Ардчиллын гол үнэт зүйл болох чөлөөт, шударга сонгууль явуулах, иргэдийн сонгох сонгогдох эрхийг хангах үүднээс сонгуулийн үйл явцын ил тод байдал, хяналтыг сайжруулах, журам, дүрмийг боловсронгуй болгох талаар төрийн болон ТББ-уудтай хамтран ажиллаж байна.

Ардчиллын үйл явцад иргэний идэвхтэй оролцоог дэмжих, шийдвэр гаргах түвшинд иргэдийн оролцоог хангахтай холбоотой мэдлэг мэдээлэл түгээх зорилго бүхий иргэний боловсролд чиглэсэн хөтөлбөрийг хэрэгжүүлэх нь бидний стратегийн нэг зорилт юм.

Төсвийн орлогын 20 хувийг бүрдүүлдэг энэ салбарт сайн засаглалыг бэхжүүлэх, ил тод байдал, олон нийтийн хяналт, оролцоог нэмэгдүүлж, хариуцлагыг бодит ажил хэрэг болгох нь бидний стратегийн зорилт юм.

Иргэний нийгмийн идэвхтэй оролцоотойгоор шинээр батлагдсан төсвийн ил тод, хариуцлагатай байдлыг хангах хуулиудын хэрэгжилтэд хөндлөнгийн хяналт тавих, буй болсон эрх зүйн таатай орчныг баталгаажуулахад хувь нэмэр оруулахаар ажиллаж байна.

2008 оноос эхлэн Шүүхийн хараат бус байдлыг бэхжүүлэх зорилгыг стратегидаа тусган ажиллаж эхэлсэн бөгөөд 2014 оноос хойш Монгол улсад өрнөж буй Шударга ёсны (Justice) салбарын шинэчлэлийг үр дүнтэй хэрэгжүүлэх, шинэчлэлийн үйл явц саарахаас сэргийлэх, улам бүр гүнзгийрүүлэх зорилго дэвшүүлэн ажиллаж байна.

Монгол Улсад өрнөж буй эрх зүйн шинэчлэл, тэр дундаа эрүүгийн эрх зүйн шинэчлэлд түлхэц болох бодлогын дүн шинжилгээ, судалгаа хийхийн сацуу хууль сахиулах салбарт хөндлөнгийн мониторинг хийх иргэний нийгмийн байгууллагыг чадавхжуулан шинэчлэлийн үйл хэрэгт тэдний оролцоог нэмэгдүүлэхийг зорин ажиллаж буй.