“Газрын шинэтгэлийн мониторинг” төслийн хоёр дахь үе шатны тайлан

Хоёр дахь үе шат нь газрын шинэтгэлийг хэрэгжүүлэхтэй холбогдон гарсан хууль тогтоомжуудыг төв, орон нутагт хэрэгжүүлэхэд гарч буй эрсдлүүд түүнээс үүдэн гарах сөрөг үр дагавруудыг судлах, газар өмчлүүлэх, эзэмшүүлэх, ашиглуулах асуудал хэрхэн ил тод, шударга, тэгш явагдаж байгаа болон иргэдэд газартай холбогдсон мэдээлэл хир нээлттэй байгааг сонгож авсан газруудад тусгайлан гаргасан анкетийн асуулгаар санал асуулга явуулж, холбогдох дүн шинжилгээ хийх явдал байв. Мөн газрын талаархи хууль тогтоомжийг хэвшүүлэх явцад зөрчигдөж байгаа зүйл заалтуудыг тогтоон холбогдох дүн шинжилгээ хийх, улмаар цаашид гарч болзошгүй алдаа, дутагдлыг урьдчилан анхааруулж, ойлгуулах замаар газрын шинэтгэлийг үнэлэх нэг үзүүлэлт болсон нийгмийн тэгш байдлыг хангахад чиглэсэн, иргэдийнхээ эрх ашгийн төлөө үйлчилдэг механизмыг бүрдүүлэхэд оршино.