Naranchuluun Бие даан нэр дэвшигчдийн хорооны 20 гаруй хүн бүртгүүлжээ (2004.05.20)
УИХ-ын сонгуульд бие даан нэр дэвшигчдийн "Шинэ сонголт" түр хороотой хамтран ажиллаж буй 20 гаруй хүн сонгуулийн тойргийн хороонд бүртгүүлээд байгаа аж.
"Шинэ сонголт" түр хорооны тэргүүн Л.Дамдинсүрэн “Өдрийн сонин”-д /¹123/ ярилцлага өгөхдөө, “манай түр хороотой хамтарч ажиллахаа илэрхийлсэн 20 гаруй хүн бүртгүүлсэн. Сонгуулийн сурталчилгаагаа нэгдсэн журмаар явуулна. Радио телевизийн сурталчилгааны цагаа хараахан аваагүй байна. Бид ч гэсэн МУНН, МҮЭНН, МНН зэрэгтэй үйл ажиллагаагаа уялдуулж ажиллана” гэж хэлсэн байна.
Л.Дамдинсүрэн өөрөө УИХ-ын сонгуулийн 57 дугаар тойрогт бие даан нэр дэвшүүлж өрсөлдөхөөр болжээ. Сонгуулийн кампанит ажлын үеэр хамгийн рейтинг өндөртэй, сонгогдох магадлалтай нэгэнд боломж олгох үүднээс тус түр хорооныхон нэрээ татахыг тэрбээр үгүйсгэсэнгүй.
