Хэрэглэгчдийн итгэлийн индекс –2004

"Хэрэглэгчдийн итгэлийн индекс" судалгааг явуулж эхэлснээс хойш 5 жил өнгөрч байна. Энэ хугацаанд дэлхий дахинд болоод Монгол улсад их зүйл өөрчлөгдлөө. Ялангуяа эдийн засгийн өсөлт, бизнесийн орчин, хөдөлмөр эрхлэлт, ядуурал, ажилгүйдэл, хүн амын орлого зарлагын хувьд эерэг болоод сөрөг өөрчлөлтүүд ихээр гарсан нь тодорхой. Даяаршлал хурдацтай өрнөн дэлгэрэж байгаа өнөө үед Mонгол мэтийн жижиг, нэн ядуу буурай орнуудын хувьд олон улсын байгууллагууд, хандивлагчдын туслалцаа дэмжлэгийг үр бүтээлтэй ашиглан эдийн засгаа хөгжүүлэх, ард түмнийхээ аж амьдралыг сайжруулах шаардлага зүй ёсоор тулгарч байна. Тус судалгаа нь олон нийтийн дунд явуулсан анкетын санал асуулгын дүнд үндэслэн улс орны эдийн засгийн өнөөгийн болон хэтийн төлөв байдал, ажил эрхлэлт, хүн амын орлого, өргөн хэрэглээний барааны үнэ ханш, ядуурал, бизнесийн орчин зэрэгт өнгөрсөн нэг жилийн хугацаанд ямар ахиц дэвшил, өөрчлөл, бууралт гарсан хэмээн хэрэглэгчид үзэж буйг гаргахад чиглэгдсэн болно. Энэхүү судалгааны үр дүн нь өнөөгийн авч явуулж буй эдийн засаг, бизнесийн чиглэлтэй бодлого, шийдвэр, арга хэмжээнүүүд нь зорилгоо биелүүлж чадаж буй эсэхийг харуулах, олон түмний зүгээс эдгээр бодлого шийдвэрт өгч буй үнэлэт дүгнэлтийг илэрхийлж байгаа тул Засгийн газар, бодлого боловсруулагч, түүнийг хэрэгжүүлэгчдэд цаашдын ажил хэрэгтээ юунд анхаарах, ямар арга хэмжээг авч хэрэгжүүлбэл зохистой талаар санаа оноо өгөх чухал ач холбогдолтой хэмээн бид үзэж байна