Эрүүл мэндийн салбарын өөрчлөлт шинэчлэл, хувьчлал

Эрүүл мэндийн салбарыг хувьчлах ажил эрчимжиж буй өнөө үед өмнө ньхувьчлагдсан байгууллагуудын хувьчлалын үйл явц, хэрэгжилт, хувьчлагдсанаас хойш гарч буй өөрчлөлтүүд, ахиц дэвшил, алдаа дутагдал, хувьчлах үйл явцын давуу болон сул талыг судалж, цаашдын бодлого шийдвэр гаргалтанд тусгах явдал нэн чухал юм . 

Судалгааны баг эрүүл мэндийн салбарын үйлдвэрлэл, хуваарилалт болон эмчилгээ, үйлчилгээний хувьчлагдсан байгуулагуудаас төлөөлүүлэн “ Эмийн үйлдвэр ” компани, “ Монголэмимпекс ” компани, “ Баянзүрх ” эмнэлэгийн хувьчлах үйл явц, хувьчлалын хүрээнд гарсан зөрчилтэй асуудал, бэрхшээл, хувьчлалын дараа бий болсон болон хүлээгдэж буй үр дүнгүүдийг кейс судалгаагаар , эрүүл мэндийн салбарын хувьчлал, бодлого, хууль эрх зүйн орчинг хөтөлбөр, баримт материалуудад тулгуурлан судаллаа.