Хөдөлмөр эрхлэлт, нийгмийн хамгааллын салбар дахь хандивлагчдын зээл, тусламжийн зарцуулалтад хийсэн жендэрийн дүн шинжилгээ

Монгол улсын Засгийн газрын “Эдийн засгийн өсөлтийг хангах, ядуурлыг бууруулах стратегийн баримт бичиг”-ийг хэрэгжүүлэх, дунд хугацааны зорилтыг хангах, ядуурлыг бууруулах бодитой ахиц гаргах,жендэрийнтэгшбайдлыгхангахадхандивлагчорон, олон улсын байгууллагуудаас олгож байгаа зээл, тусламжийн эцсийн үр дүнг дээшлүүлэх арга замыг судлан тодорхойлох шаардлага тавигдаж байна. Аймаг, нийслэлийн түвшинд хүн ам, гэр бүлийн асуудал хариуцсан хэлтэс, сум, дүүрэг, хороонд гэр бүлд туслах нийгмийн ажилтан ажиллуулах; мөн салбарын яамдын эрхлэх асуудалтай холбоотой бодлогыг тухайн яам хариуцахаар төлөвлөгөөнд тусгаж, гүйцэтгэлийн мэдээ, тайланг хүн ам зүйн бодлого эрхэлсэн төрийн захиргааны төв байгууллагад тогтоосон хугацаанд ирүүлэх; гэр бүлийн хөгжлийн бодлогыг хэрэгжүүлэх арга хэмжээг жил бүрийн нийгэм, эдийн засгийг хөгжүүлэх үндсэн чиглэлд тусгахаар заасан нь энэхүү бодлогыг ойрын 10-15 жилд бодитой хэрэгжүүлэх эрх зүйн орчинг бүрдүүлж өгсөн байна.Жендэрийн тэгш байдлыг хангах асуудлаарх Монгол улсын төрийн бодлогын үндэс нь Монгол Улсын Үндсэн хуулийн 16 дугаар зүйлийн “Улс төр, эдийн засаг, нийгэм соёлын амьдрал, гэр бүлийн харилцаанд эрэгтэй, эмэгтэй тэгш эрхтэй” гэсэн заалт, түүнтэй нийцүүлэн гаргасан хууль, эрхзүйн бусад баримт бичгүүдээр баталгаажин хэрэгжиж байна.