Монголд эрдсийн сан байгуулах шаардлага, арга зам
Байгалийн баялаг ихтэй улс оронд тус баялгийг зохистой хэлбэрээр удирдахгүй тохиолдолд эдийн засгийн бусад салбарт сөрөг нөлөө үзүүлэх, цөөн бүтээгдэхүүний үнийн хэлбэлзлээс эдийн засаг хэт хамааралтай болох зэрэг сөрөг үр дагавар авчирдаг. Цаашилбал авилга, хээл хахууль цэцэглэх, нийгмийн баялгийн үр шимийг цөөн хүн хүртэх, ядуурал нэмэгдэх аюул бодитой байдгийг олон улс орны хөгжлийн жишээ гэрчилнэ. Улмаар нийгэмд зөрчилдөөн үүсэх, ардчиллын үнэт зүйлс алдагдах явдал гарах боломжтой. Байгалийн баялгаа Монгол улс зохистой ашиглаж, боловсрол, эрүүл мэндийн салбараа хөгжүүлж, эдийн засгийн цаашдын хөгжлийн дэд бүтцийг бүтээхэд тус салбараас орж ирэх орлогын удирдлагын асуудал хамгийн чухал. Энэ чиглэлд өөрсдийн хувь нэмрээ оруулах үүднээс төр засаг эрдэс баялгийн салбараас олох хөрөнгө мөнгийг хамгийн оновчтойгоор хэрхэн хуваарилах боломжтой талаар Нээлттэй Нийгэм Форумаас цуврал уулзалт, судалгаа зэрэг арга хэмжээ явуулж байгаагийн нэг нь энэхүү судалгааны тайлан юм.
Хэвлэн нийтэлсэн: Нээлттэй Нийгэм Форум
Он: 2008
Файлын төрөл: pdf
Файл: /forum_topics/OSF_Annual_Report2008_Mn.pdf
Түлхүүр үг: