Зөрчлийн тухай хуулийн төслийн хэлэлцүүлгийг хүний эрх, хүүхэд, эмэгтэйчүүд, бэлгийн цөөнх, хөгжлийн бэрхшээлтэй хүмүүсийн эрх ашгийг хамгаалдаг ТББ-ын төлөөлөл, судлаач, мэргэжилтнүүдийн оролцоотойгоор 2014 оны 1-р сард зохион байгууллаа. Хэлэлцүүлэгт оролцогчдоос гарсан санал, шүүмжийг нэгтгэн танилцуулж байна. 

Эрүүгийн хэрэг хянан шийдвэрлэх ажиллагааны тухай загвар хууль, бусад улс орны хууль тогтоомжийг харьцуулан үзэхээс гадна ННФ-аас зохион байгуулсан цуврал хэлэлцүүлгийн явцад гарсан санал, шүүмжийг нэгтгэн танилцуулж байна. 

2013 оны 10 дугаар сард ТББ-ын төлөөлөгчид, бие даасан судлаачид Захиргааны ерөнхий хуулийн төслийг хэлэлцлээ. Оролцогчид хуулийн төслийн үзэл баримтлал, зохицуулах харилцааг бүрэн дүүрэн дэмжсэнийг тэмдэглээд хэлэлцүүлгийн явцад гарсан хуулийн төслийн нэр томъёо, зүйл заалтын логик дэс дараалал, төслийн эх бичвэр, техник шаардлага, утга найруулгын холбогдолтой санал шүүмжийг нэгтгэн танилцуулж байна. 

Хүний эрх, хүүхэд, эмэгтэйчүүд, бэлгийн цөөнх, хөгжлийн бэрхшээлтэй хүмүүсийн эрх ашгийг хамгаалдаг ТББ-ы ажилтан, судлаач, мэргэжилтнээс бүрдсэн баг 2014 оны нэгдүгээр сард Гэр бүлийн хүчирхийлэлтэй тэмцэх тухай хуулийн төслийг хэлэлцлээ. Хэлэлцүүлэгт оролцогчид хуулийн төслийг  одоо хүчин төгөлдөр мөрдөгдөж байгаа Гэр бүлийн хүчирхийлэлтэй тэмцэх тухай хуультай харьцуулж, уг хуулийн төсөл нь хүний эрхийн шалгуур үзүүлэлтүүдийг хэрхэн хангаж байгааг үнэллээ. 

Хуулийн төсөлд өгөх санал боловсруулахдаа НҮБ-ын Хүний эрхийн зөвлөл, Хүний эрхийн хороо, Эрүүдэн шүүхийн эсрэг хороо, Хүүхдийн эрхийн хороо, Эмэгтэйчүүдийг ялгаварлан гадуурхах бүх хэлбэрийг устгах хороо, Эрүүдэн шүүлтийн эсрэг Тусгай илтгэгчдээс Монгол Улсын Засгийн газарт эрүүгийн хууль тогтоомжийг боловсронгуй болгох хүрээнд ирүүлсэн нийт 62 зөвлөмжийг анхааран судаллаа. 

Мониторинг хийх цагдаагийн нэгжийг сонгохдоо гэмт хэргийн гаралт, оршин суугаа хүн амын тоо, оршин суугчдын амьдралын хэв маяг, амьжиргааны түвшин, соёл урлаг, боловсролын байгууллагын төвлөрөл, хүн амын шилжилт хөдөлгөөн зэрэг хүчин зүйлийг харгалзан үзэж, Нийслэлийн цагдаагийн газар, СХД, СБД-ийн Цагдаагийн 1. 2-р хэлтэс, Төмөр замын цагдаагийн тасагт мониторинг хийлээ. 

Нөөц баялаг ихтэй улс орнуудад хэрэгжиж буй ОУ-ын Олборлох үйлдвэрлэлийн ил тод байдлын санаачилгад (ОҮИТБС)  Монгол улс 2006 нэгдэн, энэ жил долоо дахь удаагийн тайлангаа батлан  гарлаа. Тус тайлан нь Төлснөө - олборлогч компаниуд, Авснаа - Засгийн газар нээлттэй тайлагнаж, 2 талын тайланд хөндлөнгийн хараат бус байгууллага тулгалт хийж зөрүү байгаа эсэхэд аудит хийж үндэсний нэгтгэл тайланг гаргадаг.