Судлаач С.Боргилын хийж гүйцэтгэсэн “Үндэсний баялгийн сангийн тухай хууль, түүний хэрэгжилтэд анхаарах асуудал: Эрсдэл ба шийдлийн хувилбар” сэдэвт бодлогын шинжилгээний тайланг салбарын мэргэжилтнүүдийн дунд хэлэлцүүллээ. 2025 оны 5 сарын 15-ны өдөр ННФ-ын хурлын танхимд болсон тус арга хэмжээнд Сангийн яам, Гэр бүл, хөдөлмөр, нийгмийн хамгааллын яам, Үндэсний аудитын газар зэрэг төрийн холбогдох байгууллага, иргэний нийгэм, уул уурхайн компаниудын төлөөлөл, судлаач, сэтгүүлчид оролцов.

Онч шийдэл ТББ-ын хуульч, судлаач Ш.Алтангадастай ННФ-ын Засаглалын хөтөлбөрийн менежер Д.Эрдэнэчимэгийн ярилцсан дагалдах хуулийн асуудлаарх дугаар танд хүрч байна.

Хараат бус хяналтын байгууллагууд буюу дөрөв дэх засаглалын институцүүдийн тухай, тус байгууллагуудын томилгоо болон нээлттэй сонсголын талаар Оюуны Инноваци ТББ-ын Гүйцэтгэх захирал, эрх зүйч, судлаач Б.Төрболдтой ННФ-ын Засаглалын хөтөлбөрийн менежер Д.Энхцэцэгийн ярилцсан дугаарыг танд хүргэж байна. Түүнчлэн УИХ-аас хараат бус хяналтын байгууллагын томилгоог хийхдээ олон нийтийн мэдэх эрхийг хангаж буй эсэх, удахгүй болох Ерөнхий аудиторын томилгоонд анхаарах асуудал зэрэг сэдвийг хөндлөө.