Бодлогын судалгааны ажлын хүрээнд 2005 оны зургадугаар сараас 2006 оны зургадугаар сарын хооронд Хөвсгөл, Булган, Хэнтий амйгийн сумдад нутгийн удирдлага болон эдийн засгийн талаас нь судалгаа хийжээ.

Улсын төсвийн татварын бус орлогын нэг үзүүлэлт болох хүү торгуулийн орлого нь өндөр хувиар давж биелж байгаа нь төсвийн бусад тасарсан орлого болон төсөвт төлөвлөгдөөгүй зардлыг нөхөх нөхөөс болж байгаа нь уг мониторингийн явцад харагджээ.

Эдийн засгийн эрх чөлөөг дээдэлсэн нийгмийн бүтэц ба бодлогууд бол хувь хүмүүсийн эд баялгийг хамгаалж, хүмүүст чөлөөтэй сонголт хийх, эд бараа, баялгийг чөлөөтэй солилцох боломжийг олгож өгдөг. Хуулийг дээдэлсэн эдийн засгийн эрх чөлөө бол шинэ ажлын байруудыг бий болгох хувийн хөрөнгө оруулалтыг хөхүүлэн дэмжих, урамшуулах, хүмүүсийн амьжиргааг дээшлүүлэх болно.

АНУ-ын Олон Улсын Хөгжлийн Агентлагаас хэрэгжүүлж буй Эдийн Засгийн Бодлогын Шинэтгэл, Өрсөлдөх Чадвар төсөл 2004 оны сүүлээс Дэлхийн Эдийн Засгийн Форумтай (ДЭЗФ) хамтран ажиллаж Монголын бизнесийн манлайлагчдын дунд судалгаа явуулсаны үр дүнд Монгол Улс анх удаа ДЭЗФ-ын Өсөлтийн Өрсөлдөх Чадварын индексийн 2005-2006 оны жагсаалтад багтсаж Индекст орсон нийт 117 орноос 96 дугаар байранд жагссан байна.

МУ-ын ҮХЯ, НҮБ-ын Аж үйлдвэрийн хөгжлийн байгууллагатай хамтран хийсэн энэхүү үнэлгээг 2005 оны байдлаар гаргасан бөгөөд ННФ-ын санхүүгийн дэмжлэгтэйгээр хэвлүүлсэн юм. Дэлхийн 155 улсын Аж үйлдвэрийн өрсөлдөх чадварын индексээрээ МУ доод хэсэгт буюу 148-р байранд Ботсвана, Этиоп, Бурунди, Төв Африкийн Бүгд Найрамдах Улс, Тонга, Коморын арлууд, Мали улсуудын өмнө оржээ

Дэлхийн Зөн ОУБ-ын АОНХХ-ийн харьяа БЗД-ийн 8, 10, 12-р хороодын 899 айл өрхийн амьжиргаа, орчны эрүүл ахуй, боловсрол, эрүүл мэндийн асуудлуудад тулгарч буй хүндрэл, саад бэрхшээл, шалтгааныг тодорхойлсон судалгааны баримт бичгийг боловсрууллаа.

Шинжилгээний хамарсан хүрээ, бүтэц, арга зүй: Энэхүү мэргэжлийн шинжилгээ нь: (i) Төсвийн төлөвлөлт, тэнцэл ба төвлөрөл, (ii) Төсвийн орлогын гүйцэтгэлийн шинжилгээ, (iii) Эдийн засаг дахь татварын ачаалал, мэдрэмжийн шинжилгээ, (iv) Төсвийн зарлагын гүйцэтгэлийн шинжилгээ, (v) Орон нутгийн төсвийн гүйцэтгэлд зарим аймгийн жишээн дээр хийсэн шинжилгээ, (vi) Улсын төсвийн хөрөнгө оруулалт, түүний үр ашгийн шинжилгээ, харьцуулсан үнэлгээ, (vii) Төсвийг төлөвлөх, гүйцэтгэлд шинжилгээ хийх аргачлал, загвар, програм хангамж, (viii) Улсын гадаад өр, зээлийн төлөв байдал, (ix) Дунд ба урт хугацаанд улсын санхүү, төсвийн тогтвортой, тэнцвэртэй байдлыг хангах бодлого, стратегийг “Монгол улсыг 2021 он хүртэл хөгжүүлэх цогц бодлого”-той уялдуулахтай холбогдсон асуудлууд, (x) Нэгдсэн дүгнэлт, санал, зөвлөмж гэсэн үндсэн арван бүлгээс бүрдэж байгаа юм.

Нээлттэй Нийгэм Форум, МУИС-ийн Эдийн Засгийн Сургуультай хамтран Монгол Улсын Эдийн засгийн эрх чөлөөг хоёр дахь жилдээ судалж байгаа ба 2006 оны шинэ судалгаагаар институцийн хөгжил эдийн засгийн өсөлтөд хэрхэн нөлөөлөх талаас нь авч судлан Бодлогын зөвлөмж гаргасан болно. Уг зөвлөмжид засаглалын чанарыг сайжруулах, өмчийн эрх, гэрээний биелэлт, авилгатай тэмцэхэд анхаарах хэрэгтэй санаануудыг судалгааны дүнд тулгуурлан бэлтгэжээ.  

Судалгаагаар Монгол улс Зүүн Хойд Азийн зах зээлтэй тээврийн дэд бүтцээ холбосноор бий болох эдийн засгийн үр нөлөөг авч үзлээ. Судалгааны хүрээнд Дорнод аймгийн Халхгол сумын төв Сүмбэрийг Монгол-Хятадыг холбон тавигдах Нөмрөгийн гүүртэй холбон 100 км засмал тавих хувилбарыг сонгосон болно.

Гадны хөрөнгө оруулалтаар байгуулагдаж буй компаниудын үйл ажиллагааны идэвхижил нь Монгол Улсын эдийн засгийн өсөлтөд хэрхэн нөлөөлж буйг Монгол Банкнаас тандан судалжээ. Уг судалгаагаар Монголын ГШХО/ДНБ-ний харьцаа нь 1999-2004 оны хооронд 10.0-15.8 байна.