Эрүүгийн хэргийг шүүхээс буцаах эсэх асуудлаар нийгэмд өрнөж буй хэлэлцүүлэгт хувь нэмэр оруулах зорилгоор “Эрүүгийн хэргийг шүүхээс буцаах нь буруу” сэдвийн хүрээнд зарчмын өөр байр суурь бүхий мэргэжилтнүүдийн оролцоотой энэ удаагийн “Үзэл бодол” цуврал хэлэлцүүлгийг зохион байгуулж, хэлэлцүүлгийн тэмдэглэлийг толилуулж байна.

Үндэсний, орон нутаг, байгууллага, өрх, хувь хүний түвшинд салбарын үзүүлж буй жендэрийн нөлөөллийн тухай нотолгоонд үндэслэсэн салбарын жендэрийн бодлогыг боловсруулан хэрэгжүүлэхээр зорьж байгаад тус үнэлгээний гол ач холбогдол оршиж байна.

Нээлттэй Нийгэм Форум, Тэгш хамруулах боловсролын иргэний нийгмийн сүлжээний байгууллагууд хамтран Хөгжлийн бэрхшээлтэй хүний эрхийн тухай хуулийг судалж, хэлэлцлээ.

Аль аймаг, сумд, дүүрэгт дуусаагүй орхигдсон барилга, байгууламж үлдсэнийг, тэдгээрийн тоо, ангилал зэргийг инфографик мэдээллээс дэлгэрүүлнэ үү. 

Ашиг хүртэгч эцсийн өмчлөгчийг яагаад ил тод болгох ёстой вэ?  Ашиг хүртэгч эзэн гэж хэнийг хэлэх вэ?  Ашиг хүртэгч эзний талаарх ямар мэдээллийг ил тод болгох вэ?  Ашиг хүртэгч эцсийн өмчлөгчийн мэдээллийг ил тод болгох нь ямар ач холбогдолтой вэ? зэрэг асуултад энэхүү БАРИМТ МЭДЭЭЛЭЛ-ээс хариулт аваарай.

Хэлэлцүүлгээс гарсан тулгамдсан асуудлыг нийтлэг болон тусгай асуудлууд хэмээн хоёр бүлгээр танилцуулж байгаа бөгөөд дээрх 4 хуулийн хүрээнд нийтлэг 90, тусгай 266 тулгамдсан асуудлыг тодорхойлоод байна. Энэхүү хуулийн шүүмж нь эрүүгийн хууль тогтоомжид нэмэлт, өөрчлөлт оруулах, хууль хэрэгжүүлэх албан тушаалтныг чадавхжуулах, хуулийг нэг мөр хэрэгжүүлэх дүрэм журам, удирдамж, заавар зөвлөмж, гарын авлага боловсруулахад хувь нэмэр болно гэдэгт найдаж байна.

Уг тоймоор судалгааны гол үр дүн, санал, зөвлөмжийг уншигчдад хүргэхийг зорьсон ба судалгааг бүрэн эхээр нь www.forum.mn сайтаас татаж үзнэ үү.

Та энэхүү мэдээллийн хуудаснаас  - Нийтийн сонсгол гэж юу вэ?  - Нийтийн сонсгол энгийн хэлэлцүүлгээс юугаараа ялгаатай вэ?  - Нийтийн сонсголыг Монгол Улсын ямар хууль тогтоомжид тусган зохицуулж байгаа вэ?  - Ямар нөхцөлд зайлшгүй сонсгол хийхийг хуульчилсан байдаг вэ? Хэн санаачилж, зохион байгуулах вэ? - Сонсголын үйл явц ба дараалал зэрэг асуултуудад хариулт авах боломжтой. 

Энэхүү гарын авлага нь бодлогын хүмүүс, ялангуяа хүн хүч, санхүүгийн хязгаарлагдмал нөхцөлд ажиллаж буй бодлого, хөтөлбөр боловсруулагчдад залуучуудын дундах хүчирхийллийн асуудалд баримт, нотолгоотой хандахад туслах зорилготой. Уг гарын авлага нь зарим хүүхэд, залуус яагаад бусдаас илүүтэйгээр хүчирхийлэлд холбогдоод байдаг, энэ төрлийн хүчирхийлэл тодорхой хүн амын бүлэг, тодорхой орон нутагт яагаад бусад газраас илүүтэй төвлөрөх хандлагатай байдгийг ойлгоход тус болох шинжлэх ухааны суурьтай арга зүйг санал болгож байгаа юм.

Иргэдийн эрх зүйн чадавхын өнөөгийн байдлын судалгаанд оролцсон нийт 1630 иргэний 443 нь тулгарсан бэрхшээлээ шийдвэрлэхээр ямар нэг алхам оролдлого хийсэн байна. Эдгээр иргэдийн 60,7 хувь нь бусдаас ямар нэг туслалцаа аваагүй бөгөөд туслалцаа эрэлхийлсэн 174 иргэний хувьд найз нөхөд, гэр бүл, танил талдаа (34.9%) түлхүү ханджээ.