ЗШүүх хуралдаанд иргэдийн төлөөлөгчөөр оролцож, таны дуу хоолой шүүхэд хүрснээр таны эрх зүйн мэдлэг дээшлэхээс гадна шүүн таслах ажиллагаанд иргэдийн оролцоо, хяналтыг бий болгох, шүүхийн үйл ажиллагаа олон нийтэд ил тод, нээлттэй болох, улмаар иргэдийн итгэлийг хүлээсэн үр нөлөөтэй, хариуцлагатай шүүхийн тогтолцоо бүрдэхийн зэрэгцээ шударга ёсыг тогтооход ихээхэн ач холбогдолтой юм. 

Хүний эрхийн төлөв байдлын ээлжит дүгнэлт хэлэлцүүлэг (UPR - UNIVERSAL PERIODIC REVIEW) - т зориулсан мэдээллийн хуудастай танилцана уу. ХЭФ-ын гишүүн байгууллагууд өөр өөрсдийн ажилладаг салбарын асуудлаар бэлтгэсэн мэдээллийн хуудсыг нэгтгэн хүргэж байна.

Энэхүү тайлан нь төрийн байгууллагууд нийтийн баялгийг нийтийн эрх ашигт нийцүүлэн үр ашигтай захиран зарцуулах үүргээ хэрхэн гүйцэтгэж байгаа болон төрд хяналт таних чиглэлээр иргэний нийгмийн байгууллагуудын хийж буй ажлыг олон нийтэд хүргэх, иргэний нийгмийн байгууллагууд харилцан бие биеэсээ суралцахад чухал хувь нэмэр оруулна гэж найдаж байна. 

Нээлттэй Нийгэм Форум төрийн үйл ажиллагааны ил тод, хариуцлагатай байдлыг сайжруулахад иргэний нийгмийн оролцоог нэмэгдүүлэх зорилгоор төрийн бус байгууллагуудад зориулан Mониторингийн тэтгэлэгт хөтөлбөрийг хэрэгжүүлдэг билээ. Энэ хөтөлбөрийн хүрээнд хэрэгжсэн тавдахь удаагийн Мониторингийн тайланг Та бүхэнд танилцуулж байна.

Энэ ном бол бодлогын судалгааны баримт бичиг боловсруулах ажилд тус нэмэр болох гарын авлага, удирдамж, лавлагаа эх сурвалж юм. Мөн энэ ном бодлогын судалгаа хийх, бодлогын судалгааны тайлан бичих, хэвлэн нийтлэхтэй холбоотой олон ном, гарын авлага, сурах бичгийн тойм болохын хувьд бодлогын баримт бичиг бичиж боловсруулах зорилготой сургалтын суурь болж болно.

Толилуулж буй судалгаанд төрийн аливаа үйл хэрэгт оролцох иргэдийн оролцооны эрх зүйн орчинг шинжлэн дүр зургийг гаргах оролдлого хийгдсэн болно.

Мянганы хөгжлийн зорилтуудын хэрэгжилтийн Үндэсний 4 дэх илтгэлийг албан ёсны статистик тоон мэдээлэл дээр үндэслэн, төрийн бус байгууллагуудыг оролцуулан, судлаач эрдэмтдийн саналыг тусган гаргаж байгаа учраас олон түмний оролцоотой бий болдог хөгжлийн бодлого, арга хэмжээнд дүгнэлт хийсэн томоохон тайлан болдог юм.

Энэхүү гарын авлага нь сонгууль сурвалжлах сэтгүүлчдийн ур чадварыг дээшлүүлэх шинэ аргын талаар өгүүлсэн бөгөөд сонгуулийн талаар, мөн мэдээ, нийтлэл бичих арга техник болоод түүний төлөө үүрэх хариуцлагын талаар өгүүлнэ. Гарын авлагыг сонгууль, санал хураалтын үеэр дэлхий нийтээр өргөн цар хүрээнд ашиглаж болох боловч нэн тэргүүнд улс төрийн байдал тогтвор муутай орнууд буюу ардчилалд шилжиж буй орнуудын сэтгүүлчдийг зааварчлах хэрэгсэл болгох зорилгоор тусгайлан боловсруулсан юм.

Тус илтгэлд тогтвортой хөгжил нь шударга ёс, нийгмийн эрх тэгш байдал, сайн сайхан  амьдрах бололцоог бүх нийтэд хүртээх зэрэг тэгш байдлын үндсэн асуудалтай салшгүй  холбоотой хэмээх санааг тусгасан байна.

The 2011 Human Development Report offers important new contributions to the global dialogue on this challenge, showing how sustainability is inextricably linked to basic questions of equity— that is, of fairness and social justice and of greater access to a better quality of life.