Naranchuluun УИХ-ын Байнгын хороод, Засгийн газрыг 50:50 харьцаатайгаар байгуулах тухай зөвшилцлийн эхний хувилбар яригдаж буй төлөвтэй (2004.07.27)
Өдөр тутмын зарим сонинд /Өдрийн сонин, Монголын мэдээ/мэдээлснээс үзэхэд УИХ-ын байнгын хороод, Засгийн газрыг байгуулах дараахь хувилбарууд яригдаж байгаа бололтой. Тухайлбал,
-
УИХ-ын даргад МАХН нэр дэвшүүлж, түүнийг эвсэл дэмжих
-
Ерөнхий сайдад “Эх орон-Ардчилал” эвсэл нэр дэвшүүлж, түүнийг МАХН дэмжих,
-
УИХ-ын байнгын хороо, дэд хороодын дарга нарыг МАХН, Эвсэл 50:50 харьцаагаар УИХ-аас сонгох,
-
Засгийн газрын гишүүдийг мөн адил 50:50 харьцаатайгаар томилох тухайд зөвшилцөж байгаа ажээ.
МАХН, “Эх орон-Ардчилал” эвсэл хоёр харилцан нэр дэвшүүлсэн хүмүүсээ бүлгээрээ дэмжинэ гэж эхний байдлаар удирдлагуудын хооронд зөвшилсөн нь нам, эвсэл дотроо, нэн ялангуяа эвслийн бүлэг дотроо нэлээд нухацтай хэлэлцэгдэж буй төлөвтэй байна.
