Naranchuluun Парламентад суудал авсан намууд бие биедээ итгэхгүй байгаагаас зөвшилцөл удааширч болзошгүй (2004.07.28)
“Зууны мэдээ” сонинд бичихдээ, “зарим эх сурвалжийн мэдээлж буйгаар зөвшилцөл удааширч буйн гол шалтгаан нь намууд бие биедээ харилцан итгэхгүй байгаа явдал бололтой. МАХН-аас юуны өмнө УИХ-аа удирдлагатай болгож ажилд нь оруулъя гэж байгаа. Намын даргаа УИХ-ын даргад нэр дэвшүүлж зөвшилцөхөөр санал болгосон. Харин эвслийнхэн МАХН-ыг УИХ-ын удирдлагаа авсны дараа зангаа хувиргаж магадгүй хэмээн болгоомжлон УИХ-ын анхдугаар чуулганаар хэлэлцдэг бүх асуудал, бүх томилгоог нэг мөр зөвшилцөж байж УИХ-ын даргаа сонгоно гэж байгаа юм байна” гэж тус сонин 176-177 дугаартаа тэмдэглэсэн байна.
Тэрчлэн УИХ-ын гишүүн С.Оюун сэтгүүлчдэд өчигдөр мэдээлэл хийхдээ, хэрэв МАХН өнөөдөр УИХ-д байгаа хоёр суудлаараа илүүрхэж зөвшилцөхөд саад хийвэл маргаантай байгаа 24, 59 дүгээр тойргийн талаарх шүүхийн шийдвэрийг хүлээж болох тухай ч ярьсан байна. Ингэвэл чуулган зөвшилцөл нэрийн дор нэлээд хоногоор завсарлаж болзошгүй юм.
