Ерөнхий сайдын зөвлөхүүд томилогдов (2004.08.25)

Ерөнхий сайдын зөвлөхүүд томилогдов (2004.08.25)

Ерөнхий сайдын ажлын албаны бүрэлдэхүүн буюу зөвлөхүүд томилогдон өчигдрөөс ажилдаа орсон байна.
Ерөнхий сайдын Төрийн байгуулалт, гадаад бодлогын зөвлөхөөр Бат-Эрдэнийн Батбаяр /Баабар/, Эдийн засгийн бодлогын зөвлөхөөр Да.Ганболд, Санхүү, мөнгөний бодлогын зөвлөхөөр П.Цагаан, Нийгмийн бодлогын зөвлөхөөр Б.Дэлгэрмаа, Хууль зүйн бодлогын зөвлөхөөр Д.Дорлигжав нар ажиллахаар болсон байна. Эд бүгдээрээ Ардчилсан намын Үндэсний зөвлөлдөх хорооны гишүүд юм.

Ерөнхий сайдын хэвлэлийн төлөөлөгч бөгөөд Засгийн газрын Хэвлэл, мэдээллийн албаны даргаар Ч.Сайханбилэг томилогджээ гэж Засгийн газрын Хэвлэлийн албанаас мэдээлсэн байна. Харин Засгийн газрын хэрэг эрхлэх газрын дэд даргаар Н.Алтанхуягийг түр томилсон тухай зарим эх сурвалж мэдээлж байна.