Naranchuluun Ерөнхийлөгчийн сонгууль тавдугаар сарын 22-нд болох бололтой (2005.01.25)
Ерөнхийлөгчийн сонгуулийг тавдугаар сарын 22-ны өдөр явуулах, үүнтэй холбогдуулж гуравдугаар сарын 23-ны өдрөөс эхлэн сонгуулийг товлон зарлахаар төлөвлөөд байгаа аж. Сонгуулийн ерөнхий хорооноос ирүүлсэн тооцоогоор Монгол Улсын Ерөнхийлөгчийн ээлжит сонгуулийн улсын төсвөөс санхүүжүүлэх зардлын хэмжээг 636 212180 төгрөгөөр тогтоож, дээрх зардлын 136 212 180 төгрөгийг Засгийн газрын нөөц хөрөнгөөс гаргах хүсэлт тавьжээ.
2005 оны Ерөнхийлөгчийн сонгуулийн товыг зарлахтай холбогдуулан хэрэгжүүлэх үйл ажиллагааны хуваарийн төслийг гаргаад байгаа ажээ. Сонгуулийн товыг зарласнаас хойш тав хоногийн дараа буюу гуравдугаар сарын 28-наас Ерөнхийлөгчийн сонгуульд нэр дэвшүүлэх ажлыг эхлэх аж. Нэр дэвшүүлэх ажлыг тав хоногийн дараа буюу дөрөвдүгээр сарын хоёрноос өмнө дуусгах бөгөөд нэр дэвшигчдийгдөрөвдүгээр сарын наймны өдөр нийтэд мэдээлэхээр төсөлд тусгасан байна. Харин саналыг тавдугаар сарын 22-ны өдөр авч, санал хураалтын дүнг санал хурааснаас хойш гурав хоногийн дотор Сонгуулийн ерөнхий хороонд мэдээлэх юм байна. Нийт сонгогчийн олонхийн санал авсан нэр дэвшигчийг Монгол Улсын Ерөнхийлөгчөөр сонгогдсон гэж үзэж бүрэн эрхийг нь хүлээн зөвшөөрүүлэх тухай асуудлыг санал хураалт дууссан өдрөөс хойш 30 хоногийн дотор Сонгуулийн ерөнхий хорооны дарга УИХ-д өргөн мэдүүлэх аж.
2005 оны Ерөнхийлөгчийн сонгуулийн зардал /төсөл/
| Сонгогчдын нэрийн жагсаалтын маягт хэвлүүлэх | 4 327 680 |
| Саналын хуудас хэвлүүлэх | 40 480 000 |
| Сонгуулийн хороодын тогтоол, протокол, дүн мэдээний маягт хэвлүүлэх | 6 568 800 |
| Сонгогчийн үнэмлэх, шилжүүлэг хэвлүүлэх | 64 768 000 |
| Төрөл бүрийн үнэмлэх хэвлүүлэх | 5 759 200 |
| Еренхийлөгчийн сонгуулийн хууль, плакат, заавар журмын эмхэтгэл хэвлүүлэх, Төрийн сүлд далбаа хийлгэх | 23 862 500 |
| Сонгуулийн хороодын тэмдэг хийлгэх | 1 380 000 |
| Бичиг хэрэг, шуудан холбооны зардал | 59 225 000 |
| Унааны зардал | 134 680 000 |
| Албан томилолтын зардал | 36 729 600 |
| Сонгуулийн санал хураах байр бэлтгэх, тохижуулах | 33 400 000 |
| Сонгуулийн хороодод ажиллах хүмүүсийн хөлс, урамшил, хоолны зардал | 152 550 000 |
| Саналын хайрцагны лац авах | 690 000 |
| Сургалт, семинар зохион байгуулах, сонгуулийн хуулийг сүрталчлах | 26 766 400 |
| Сонгуулийн ерөнхий хороонд гарах зардал | 10 025 000 |
| Дахин санал хураалт явуулах болон болзошгүй зардалд | 35 000 000 |
Ерөнхийлөгчийн сонгуулийн хуулийг хэрэгжүүлэх хуваарь /төсөл/
| Санал хураах өдөр | Сонгогчдын саналыг санал хураах өдөр 07 цагаас 22 цаг хүртэл хугацаанд хураана | 2005.05.22 |
| Сонгууль зарлах | Санал хураах өдрөөс 60-аас доошгүй хоногийн өмнө УИХ товлон зарлана | 2005.03.23 |
| Сонгуулийн хэсэг байгуулах | Сум, дүүргийн ИТХ-ын тэргүүлэгчид санал хураах өдрөөс таваас доошгүй хоногийн өмнө байгуулах буюу шилжүүлэн байршуулж болно | 2005.03.28 |
| Нэр дэвшүүлэх ажлыг эхлэх | 'Сонгууль зарласнаас хойш тав хоногийн дараа эхэлнэ | 2005.03.28 |
| Нэр дэвшүүлэх ажлыг дуусгах | Нэр дэвшүүлэх ажил эхэлснээс хойш тав хоногийн хугацаанд дуусгана | 2005.04.02 |
| Нэр дэвшигчийг бүртгэж үнэмлэхолгох | Сонгууль зарласнаас хойш 13 хоногийн дотор бүртгэн үнэмлэх олгоно | 2005.04.05 |
| Нэр дэвшигчийг нийтэд мэдээлэх | Нэр дэвшигчийг бүртгэснээс хойш ажлын гурван өдрийн дотор энэ тухай нийтэд мэдээлнэ | 2005.04.08-наас өмнө |
| Нам болон сонгуульд хамтарсан намууд нэр дэвшигчээ татан гаргаснаа СЕХ-нд мэдэгдэх | Нам болон сонгуульд хамтарсан намууд нэр дэвшигчээ татан гаргаснаа санал хураах өдрөөс 21 хоногийн өмнө СЕХ-нд мэдэгдээгүй бол татан гаргасан нэр дэвшигчийн оронд өөр хүний нэр дэвшүүлэх эрхгүй | 2005.05.01-нээс өмнө |
| Нөхөн нэр дэвшүүлэх | Нэр дэвшигч нас барсан, мөн нэр дэвшигчээ татан гаргасан тохиолдолд тухайн нам болон хамтарсан намууд санал хураах өдрөөс 18 хоногийн өмнө өөр хүнийг нөхөн нэр дэвшүүлж СЕХ-нд бүртгүүлж болно | 2005.05.04-нөөс өмнө |
| Сонгуулийн сурталчилгаа явуулах/ ухуулга, сурталчилга, уулзалт/ | Сонгуулийн сурталчилгааг санал хураах өдрөөс 24 цагийн өмнө зогсооно | 2005.05.21-ний 00 цагаас хойш |
| Санал хураалтын дүнг СЕХ-нд мэдээлэх | Санал хураалтын дүнг гурав хоногийн дотор гарган хуралдаанаараа хэлэлцэж, СЕХ-нд хоёр хоногийн дотор мэдээлнэ | 2005.05.27-ны дотор |
| Анхан шатны сонгуулийн нэгдсэн дүнг УИХ-д өргөн мэдүүлэх | Нийт сонгогчийн олонхийн санал авсан нэр дэвшигчийг Монгол Улсын Ерөнхийлөгчөөр сонгогдсон гэж үзэж бүрэн эрхийг нь хүлээн зөвшөөрүүлэх тухай асуудлыг санал хураалт дууссан өдрөөс хойш 30 хоногийн дотор УИХ-д өргөн мэдүүлнэ | 2005.06.22-ны дотор |
