Naranchuluun Монгол Улсын Ерөнхийлөгчийн сонгуульд нэр дэвшигчид дөрөвдүгээр сарын 2-нд тодорно (2005.03.04)
Монгол Улсын Ерөнхийлөгчийн сонгуулийн санал хураалт ирэх тавдугаар сарын 22-нд болно. Харин сонгуулийн товыг энэ оны гуравдугаар сарын 23-наас зарлах бөгөөд энэ удаагийн сонгуульд улсын төсвөөс 636,2 сая төгрөгийг гаргахаар төлөвлөөд байгаа юм. Нэр дэвшигчид дөрөвдүгээр сарын 2-нд тодорно. Манай портал Ерөнхийлөгчийн сонгуулийн цаг хугацааны хуваарийг толилуулж байна.
| Д/д | Хэрэгжүүлэх үйл ажиллагааны нэр | Хугацаа | |
| Хуулийн | Хуанлийн | ||
| 1. | Сонгууль зарлах | Санал хураах өдрөөс 60-аас доошгүй хоногийн өмнө УИХ товлон зарлана; | 2005.03.23-нд |
| 2. | Нэр дэвшүүлэх ажлыг эхлэх | Сонгууль зарласнаас хойш тав хоногийн дараа | 2005.03.28-наасУИХ-д суудалтай намууд нэр дэвшигчээ зарлаж эхэлнэ |
| 3. | Нэр дэвшүүлэх ажлыг дуусгах | Нэр дэвшүүлэх ажил эхэлснээс хойш тав хоногийн дараа | 2005.04.02 гэхэд бүх нэр дэвшигчид тодорсон байна |
| 4. | Нэр дэвшигчийг бүртгэж, үнэмлэх олгох | Сонгуулийн ерөнхий хороо /СЕХ/ сонгууль зарласнаас хойш 13 хоногийн дотор бүртгэн үнэмлэх олгоно | 2005.04.05-наас өмнө нэр дэвшигчид үнэмлэхээ авна |
| 5. | Нам болон сонгуульд хамтарсан намууд нэр дэвшигчээ татан гаргаснаа СЕХ-нд мэдэгдэх | Энэ тухайгаа санал хураах өдрөөс 21 хоногийн өмнө СЕХ-нд мэдэгдээгүй бол татан гаргасан нэр дэвшигчийн оронд өөр хүний нэр дэвшүүлэх эрхгүй | Тиймээс нам болон сонгуульд хамтарсан намууд нэр дэвшигчээ татан гаргасан тухайгаа 2005.05.01-нээс өмнө СЕХ-нд мэдэгдэх нь |
| 6. | Нөхөн нэр дэвшүүлэх | Нэр дэвшигч нас барсан, түүнчлэн нам болон сонгуульд хамтарсан намууд нэр дэвшигчээ татан гаргасан тохиолдолд санал хураах өдрөөс 18 хоногийн өмнө өөр хүнийг нөхөн нэр дэвшүүлж СЕХ-нд бүртгүүлж болно | Нам болон сонгуульд хамтарсан намууд энэ тохиолдолд 2005.05.04-нөөс хойш нөхөн нэр дэвшүүлж болохгүй |
| 7. | Сонгуулийн сурталчилгаа, ухуулга, уулзалтууд | Санал хураах өдрөөс 24 цагийн өмнө зогсооно | 2005.05.21-ний 00 цагаас хойш аливаа сурталчилгаа явуулахгүй |
| 8. | Санал хураах өдөр | Сонгогчдын саналыг санал хураахаар бэлтгэсэн байрт санал хураах өдөр 07 цагаас 22 цаг хүртэл авна | 2005.05.22 |
| 9. | Анхан шатны сонгуулийн нэгдсэн дүнг УИХ-д өргөн мэдүүлэх | Нийт сонгогчийн олонхийн санал авсан нэр дэвшигчийг Монгол Улсын Ерөнхийлөгчөөр сонгогдсон гэж үзэж бүрэн эрхийг нь хүлээн зөвшөөрүүлэх тухай асуудлыг санал хураалт дууссан өдрөөс хойш 30 хоногийн дотор СЕХ-ны дарга УИХ-д өргөн мэдүүлнэ | СЕХ сонгуулийн нэгдсэн дүнг 2005.06.22 гэхэд УИХ-д өргөн мэдүүлсэн байна |
