Naranchuluun Ерөнхийлөгчийн сонгуульд нэр дэвшигчийг тодруулах намуудын хурлууд айсуй (2005.03.14)
Монгол Улсын Ерөнхийлөгчийн сонгууль ес хоногийн дараа албан ёсоор эхлэх гэж байна. Сонгуульд өрсөлдөгчид ч дөрөвдүгээр сарын 2-нд тодорсон байх учиртай. Үйл явдлын хугацаа ойртох тусам Ерөнхийлөгчийн сонгуульд нэр дэвшигчдийг тодруулах улстөрийн намуудын их, бага хурлын тов тодорч эхэлж байна.
Өдөр тутмын сонинуудын мэдээллээс үзвэл, МАХН-ын Бага хурал энэ сарын 26-27-нд болж , Ерөнхийлөгчийн сонгуульд нэр дэвшигчээ тодруулах бололтой. Харин Ардчилсан намын тухайд бол энэ сарын 18-нд Үндэсний зөвлөлдөх хороогоо, 31-нд тус намын их хурал Үндэсний чуулганаа хуралдуулж нэр дэвшигчээ тодруулах аж.
Парламентад суудалтай бусад намын тухайд хурлын тов хараахан зарлагдаагүй байгаа ч хуульд заасан хугацааны дагуу мөн л энэ үеэр товлогдох нь гарцаагүй юм.
