Naranchuluun Ерөнхийлөгчид дөрвөн нэр дэвшигч тодорлоо (2005.04.01)
Монгол Улсын Ерөнхийлөгчийн сонгуульд өрсөлдөх нэр дэвшигчид үндсэндээ тодорлоо. Парламентад суудалтай дөрвөн нам албан ёсоор нэр дэвшигч тодруулсан байна. Хамгийн сүүлд буюу өчигдөр Ардчилсан намын хоёрдугаар их хурал буюу Үндэсний чуулган хуралдаж, М.Энхсайханыг нэр дэвшигчээр батламжилсан байна. Түүнийг батламжлахдаа чуулганд оролцсон 1001 төлөөлөгчдөөс ердөө л хоёр хүн татгалзаж, 99,8 хувийн саналаар дэмжсэн ажээ.
Энэ өдөр ИЗ-БНН-ын Үндэсний хороо дахин хуралдаж, сонгуульд хэнийг нэр дэвшүүлж хэрхэн оролцох талаараа нэлээд нухацтай хэлэлцсэн байна. Баттай эх сурвалжийн мэдээлснээр ИЗ-БНН нэр дэвшүүлэхгүй байхаар шийдвэрлэсэн бөгөөд тус намын баримталдаг Гурван А-гийн бодлого буюу авилгал, ажилгүйдэл, архидалтын эсрэг тэмцлийг мөрийн хөтөлбөртөө түлхүү тусгасан нэр дэвшигчийг сонгуулийн кампанийн явцад дэмжихээр тогтсон байна.
Ерөнхийлөгчид нэр дэвшигчид:
МАХН – Н.Энхбаяр /МАХН-ын дарга, УИХ-ын дарга/Ардчилсан нам – М.Энхсайхан /Ардчилсан намын экс дарга, ҮЗХ-ны гишүүн, УИХ-ын гишүүн, Аюулгүй байдал, гадаад бодлогын байнгын хорооны дарга/
Эх орон нам –Б.Эрдэнэбат /Эх орон намын дарга, УИХ-ын гишүүн/
Бүгд Найрамдах нам – Б.Жаргалсайхан /БНН-ын дарга, УИХ-ын гишүүн/
