Naranchuluun СЕХ Нэр дэвшигчдийг бүртгэн тогтоол гаргажээ (2005.04.04)
Сонгуулийн ерөнхий хорооны хэвлэлийн төлөөлөгчийн мэдээлснээр, тус хороо 2005 оны дөрөвдүгээр сарын 2-ны өдөр хуралдаж, Монгол Улсын Ерөнхийлөгчийн 2005 оны сонгуульд нэр дэвшигчдийг бүртгэх эсэх асуудлыг хэлэлцсэн байна. СЕХ-ны ажлын хэсэг Ерөнхийлөгчийн сонгуульд нэр дэвшүүлэх намуудын ажиллагаа хуулийн дагуу явагдсан эсэхийг нягтлан шалгасан бөгөөд БНН-аас нэр дэвшсэнБазарсадын Жаргалсайхан, МАХН-аас нэр дэвшсэн Намбарын Энхбаяр, АН-аас нэр дэвшсэн Мэндсайханы Энхсайхан, "Эх орон" намаас нэр дэвшсэн Бадарчийн Эрдэнэбат нарыг нэр дэвшуүлсэн ажиллагаа нь Монгол Улсын Ерөнхийлөгчийн сонгуулийн хуульд заасан шаардлагыг хангасан байна гэж үзэж Монгол Улсын Ерөнхийлөгчид нэр дэвшигчээр тус тус бүртгэсэн тухай тогтоолыг баталжээ.
Монгол Улсын Ерөнхийлөгчийн сонгуульд нэр дэвшигчид өнөөдөр СЕХ-ны дарга Ж.Ядамсүрэнгээс үнэмлэхээ гардаж авах ажээ.
