Naranchuluun Н.Энхбаярыг дэмжих хөдөлгөөн байгуулагджээ (2005.04.05)
Ерөнхийлөгчийн сонгуульд МАХН-аас нэр дэвшигч Н.Энхбаярыг дэмжигчдийн хөдөлгөөн байгуулагдсан байна. Хөдөлгөөнийг санаачилагчид өчигдөр хэвлэлийн бага хурал хийлгэн энэ тухайгаа мэдэгджээ. Н.Энхбаярыг дэмжигчдийн хөдөлгөөнийг 20-иод хүн үүсгэн байгуулсан гэж “Ардын эрх” сонин /¹67/ мэдээлжээ. Тэд Н.Энхбаярыг дэмжих үйл ажиллагааг орон даяар өрнүүлэх, сонгуулийн хууль тогтоомжийг зөрчсөн үйл ажиллагааг улстөрийн нам, тэдгээрийн сонгуулийн штабаас гаргуулахгүй байхад анхаарч ажиллах юм байна.
Энэ бол ямар нэгэн намыг дэмжсэн гэхээсээ илүү тухайн нэр дэвшсэн хүнийг нь онцлон дэмжиж байгаа хэрэг. Бид Н.Энхбаярыг аль нэг намын биш, ард түмний элч төлөөлөгч, тэдний итгэл дэмжлэгийг хүлээсэн төрийн зүтгэлтэн гэж үзэж байна гэж хөдөлгөөний ерөнхий зохицуулагч Б.Энхбаяр мэдэгдсэн байна. Н.Энхбаярыг дэмжих хөдөлгөөнийхөн түүнийг дэмжсэн иргэдийн гарын үсэг цуглуулах ажлыг эхлүүлэх бөгөөд Н.Энхбаярт иргэдээс хүргүүлсэн захиас, хүсэлтийг дамжуулах үүднээс "Ард түмний захиас" аяныг зохион байгуулах гэнэ. Хөдөлгөөн "Нэг нь нийтийн төлөө, нийт нь нэгийнхээ төлөө" гэсэн уриатай аж.
