Naranchuluun Нэр дэвшигчид төрийн тусгай хамгаалалтад орлоо (2005.04.05)
Ерөнхийлөгчийн сонгуульд нэр дэвшигчид өчигдөр Төрийн ордны Соёмбо танхимд СЕХ-ны дарга Ж.Ядамсүрэнгээс нэр дэвшигчийн үнэмлэхээ гардан авчээ. Тэднийг үүний дараа хуулийн дагуу төрийн тусгай хамгаалалтад авсан байна.УИХ-ын даргын хувьд МАХН-аас нэр дэвшигч Н.Энхбаяр угаас төрийн тусгай хамгаалалтад байдаг бол нөгөө гурван нэр дэвшигч нь хувийн хамгаалалттай байсан ажээ. Ерөнхийлөгчид нэр дэвшигчдийг Төрийн тусгай хамгаалалтын хуулийн дагуу үнэмлэхээ гардан авсан цагаас нь сонгууль болж санал хураалтын дүн гарах хүртэл хугацаанд хоногийн хорин дөрвөн цагийн турш хамгаалдаг байна. Төрийн тусгай хамгаалалтын ажилтны “АЭ” сонинд хэлснээс үзвэл хэнийг хэдэн хүнээр хамгаалах нь тактикийн асуудал бөгөөд хамгаалалтын зардлыг тухайн сонгуулийн зардалд улсын төсвөөс суулгасан байдаг аж.
