МСДН Ерөнхийлөгчийн сонгуульд М.Энхсайханыг дэмжинэ (2005.04.05)

A- A A+
МСДН Ерөнхийлөгчийн сонгуульд М.Энхсайханыг дэмжинэ (2005.04.05)

МСДН Ерөнхийлөгчийн сонгуульд М.Энхсайханыг дэмжинэ (2005.04.05)

МСДН-ын дарга А.Ганбаатар “Өнөөдөр” сонинд /¹080/ ярилцлага өгөхдөө ийнхүү мэдэгдсэн байна. Түүний ярьснаас үзвэл, МСДН-ын Улстөрийн зөвлөл М.Энхсайханыг нэр дэвшвэл дэмжинэ гэж өмнө нь гаргасан шийдвэрээ энэ оны гуравдугаар сарын 30-ны хурлаараа дахин нотолсон ажээ. М.Энхсайхан Ерөнхийлөгчөөр сонгогдвол Монголын ардчилал цаашид мөхөхгүйн үндэслэл болно. Тэр ардчиллыг хамгаалахын төлөө тууштай, зарчимч байж чадна гэж ноён А.Ганбаатар үзэж байна.

МСДН-ын дарга А.Ганбаатар М.Энхсайханы сөрөг талыг тодорхойлохдоо “үгэнд ордоггүй, өөрөөр хэлбэл хайрцаглагддаггүй, хамтран ажиллаж чаддаггүй гэжээ. Гэхдээ түүнийхээр энэ нь түүнийг Ерөнхийлөгч байхад хамаарахгүй аж. Яагаад гэвэл Ерөнхийлөгчийн хувьд бол дангаараа интитуци юм гэжээ. Харин ч М.Энхсайханд Ерөнхийлөгч байх шинж бий. Явцуу бүлгийн ашиг сонирхолд орохгүй нь М.Энхсайханы эерэг тал гэж А.Ганбаатар дүгнэжээ.