Naranchuluun Нэр дэвшигчдийн сонгуулийн штабууд байгуулагджээ (2005.04.07)
Ерөнхийлөгчийн сонгуульд нэр дэвшигчийн сонгуулийн штабууд үндлсэндээ байгуулагдаад дуусч байгаа бололтой. МАХН-аас нэр дэвшигч Н.Энхбаярын сонгуулийн штабын ерөнхий мөнөжерээр тус намын Ерөнхий нарийн бичгийн дарга С.Баяр ажиллах юм байна. Сонгуулийн штаб нь найман ажлын хэсэгтэй байх бөгөөд Ё.Отгонбаяр, Ч.Улаан, А.Цанжид нарын улстөрчид тэдгээрийг ахална гэж “ЗМ” сонинд мэдээлжээ.
Харин Ардчилсан намын нэр дэвшигч М.Энхсайханы сонгуулийн ерөнхий менежерээр УИХ-ын гишүүн асан Ё.Гэрэлчулуун ажиллаж багт нь сэтгүүлч Ч.Чулуунбаатар, А.Баатархуяг /хэвлэлийн төлөөлөгчөөр/ нар орсон гэж хэвлэлүүд бичжээ. Ардчилсан намаас нэр дэвшигчид зөвлөмж өгч байх зөвлөлдөх хороо болон санхүүжилтийн хороог тус намын дарга Р.Гончигдорж ахлахаар болжээ."Эх орон" намаас нэр дэвшигч Б.Эрдэнэбатын сонгуулийн штабыг тус намын нарийн бичгийн дарга Н.Чулуунбаатар ахалж, багт нь Санжаадорж, И.Эрдэнэбаатар оржээ.
Харин БНН-аас нэр дэвшигч Б.Жаргалсайханы сонгуулийн штабыг хэн ахалж байгаа нь яг тодорхойгүй байгаа ч Замын цагдаагийн газрын дарга байсан Занаширийн нэр дуулдаж байна.
