Ерөнхийлөгч нэр дэвшигчдийг хүлээн авч уулзав (2005.04.11)

A- A A+
Ерөнхийлөгч нэр дэвшигчдийг хүлээн авч уулзав (2005.04.11)

Ерөнхийлөгч нэр дэвшигчдийг хүлээн авч уулзав (2005.04.11)

Монгол Улсын Ерөнхийлөгч Н.Багабанди өнгөрсөн баасан гаригт Ерөнхийлөгчийн сонгуульд нэр дэвшигч М.Энхсайхан, Н.Энхбаяр нарыг тус бүрт нь хүлээн авч уулзсан байна.

Ардчилсан намаас нэр дэвшигч М.Энхсайханы сонгуулийн штабын мэдээлснээр, М.Энхсайхан Ерөнхийлөгчид сонгуульд оролцох мөрийн хөтөлбөрөө танилцуулахдаа нийгэм, эдийн засгийн асуудлуудыг онцлон тусгасан гээд тэдгээрийг шийдэж, хэрэгжүүлэх боломж, нөхцөл, арга хэмжээний талаарх өөрийн санал, бодлоо ярьжээ.

МАХН-ын Сонгуулийн төв комисоос мэдээлэхдээ, тус намаас нэр дэвшигч Н.Энхбаяр мөрийн хөтөлбөртөө тусгасан шударга ёсыг нийгэмд тогтоох, хүнд суртал чирэгдлийг арилгах, авилгал, хээл хахууль үржих орон зайг хязгаарлаж устгах, улс орны эдийн засгийн тогтворжилт, өсөлтийг бататгаж, ядуурал, ажилгүйдлийг бууруулахад чиглэсэн бодлогоо Ерөнхийлөгчид танилцуулсан байна.

Ерөнхийлөгч Н.Багабанди нэр дэвшигч тус бүрийн сонгуульд ажилд амжилт хүссэн байна.