Сонгуультай холбогдуулж Ерөнхий сайд албан даалгавар гаргажээ (2005.04.11)

A- A A+
Сонгуультай холбогдуулж Ерөнхий сайд албан даалгавар гаргажээ (2005.04.11)

Сонгуультай холбогдуулж Ерөнхий сайд албан даалгавар гаргажээ (2005.04.11)

Ерөнхии сайд албан даалгавар гаргаж, Ерөнхийлөгчийн сонгуулийн тухай хуулиар хүлээсэн үүргийнхээ дагуу сонгуулийг хэвийн явуулах нөхцөл бололцоогоор хангаж ажиллахыг сайдууд, агентлагийн дарга нар, аймаг, нийслэлийн Засаг дарга, бүх шатны албан хаагчдад үүрэг болгосон байна. Нутгийн өөрөө удирдах болон захиргааны байгууллагууд сонгуулийг зохион байгуулах хэсгийн хороодыг байгуулах, тэдгээрийг хэвийн ажиллах нөхцөлөөр хангах, иргэдийн бүртгэл, жагсаалтыг гаргах, нэр дэвшигчдээс сонгогчидтой уулзах боломжийг олгох зэргээр сонгуулийн ажилд дэмжлэг үзүүлэхийг мөн даалгажээ.

Уулзалт, хурал, цуглаан, бусад арга хэмжээний үеэр нийгмийн хэв журмыг сахиулж, гэмт хэрэг зөрчлөөс урьдчилан сэргийлэх ажлыг зохион байгуулахыг албан даалгавартаа тусгасан байна.

Үүний хамт мал төллөх, тариалалтад бэлтгэх зэрэг цаг үеийн ажлыг цалгардуулахгүй, төрийн болон нутгийн захиргааны байгууллага, албан хаагчдыг сонгуулийн ухуулга, сурталчилгаанд оролцуулахгүй, төсвөөс зориулалтын бусаар ямар нэг хэлбэрээр хөрөнгө зардал гаргахгүй байхыг даалгалаа гэж Засгийн газрын Хэвлэл, мэдээллийн албанаас мэдээлжээ.