Naranchuluun М.Энхсайхан “Эх орны баялгийг иргэн бүрт” сэдвээр уулзалт хийв (2005.04.25)
Ардчилсан намаас нэр дэвшигч М.Энхсайхан ашигт малтмал, газрын ашиглалт, хайгуулын олборлолтын асуудлаар олон нийтийн дунд дугуй ширээний ярилцлага зохион байгуулсан байна. Тэрбээр «хөдөө орон нутгаар уулзалт хийж явахад иргэдийн хамгийн их хөндсөн асуудал бол эх нутгийнхаа баялагт монголчууд өөрсдөө эзэн нь болох эсэх тухай байлаа. Энэ бол зөвхөн нутгийн иргэдийн эрх ашгийн асуудал биш. Монголчуудын эрх ашгийн, Монголын төрийн бодлогын асуудал» хэмээн тэмдэглэн хэлжээ.
Түүний жишээлснээс үзвэл Дундговь аймагт гэхэд л нутаг дэвсгэрийн 80 хувь нь, Өмнөговь аймаг бараг 100 хувь хайгуулын лицензэд хамрагдсан боловч хайгуулын лицензыг чухам хэн ашиглаж байгаа нь мэдэгдэхээ больжээ. Хайгуулын лицензээр борлуулалт хийдэг. Хайгуул хийнэ, дээж авч байна гэсэн нэрийдлээр хэдэн мянган тонноор нь шороо зөөдөг болсон аж. Төрийн бодлогын хэмжээнд энэ асуудлыг авч үзэх хэрэгтэй гэж М.Энхсайхан үзэж байна.
