Naranchuluun Ерөнхийлөгчийн бүрэн эрхийг хүлээн зөвшөөрснөөс хойш 14 хоногт нөхөн сонгууль зарлана (2005.05.26)
Сонгуулийн ернхөий хороо Ерөнхийлөгчийн сонгуулийн эцсийн дүнг нэгтгэн УИХ-ын чуулганд санал хураалт болсон өдрөөс хойш 30 хоногийн дотор буюу ирэх сарын 21-нээс өмнө өргөн барьснаар Н.Энхбаярын Ерөнхийлөгчийн бүрэн эрхийг хүлээн зөвшөөрсөн хуулийг УИХ батлах юм. УИХ-ын гишүүний эрхзүйн байдлын тухай хуулийн 13 дугаар зүйлийн гуравт зааснаар Монгол Улсын Ерөнхийлөгчөөр сонгогдсон тохиолдолд Төрийн байгуулалтын байнгын хорооны санал дүгнэлтийг үндэслэн УИХ-ын нэгдсэн хуралдаанаас шийдвэр гаргаж УИХ-ын гишүүнээс чөлөөлнө.
Эндээс үзвэл МАХН-аас нэр дэвшигч Н.Энхбаярыг Ерөнхийлөгчийн тангараг өргөсөн өдрөөс эхэлж УИХ-ын 65 дугаар тойрогт нөхөн сонгууль явуулах хуулийн эрх нээгдэх ажээ. УИХ-ын гишүүнийг орон гарснаас хойш 14 хоногийн дотор нөхөн сонгууль зарлах бөгөөд энэ хугацаанаас хойш 45 хоногийн дотор нөхөн сонгуулийг явуулах хуулийн заалт бий. УИХ-ын гишүүний нөхөн сонгуульд нэр дэвшүүлэх намууд шинэ Ерөнхийлөгч тангараг өргөж, УИХ-аас нөхөн сонгууль зарласнаас хойш арав хоногийн дараа нэр дэвшүүлэх ажиллагааг эхэлж сонгуулийг 15 хоногт багтаан явуулна.
