Naranchuluun МАХН Ерөнхийлөгчийн сонгуульд 915 сая төгрөг зарцуулжээ (2005.06.15)
Энэ сарын 14-нд болсон МАХН-ын бага хурлын X хуралдаанаар Ерөнхийлөгчийн сонгуульд МАХН хэрхэн оролцсон талаар тус намын ерөнхий нарийн бичгийн дарга С.Баяр илтгэл тавьжээ. Түүний илтгэлд дурдснаас үзвэл МАХН 2005 оны Ерөнхийлөгчийн сонгуульд 915 сая төгрөг зарцуулжээ гэж “Зууны мэдээ” сонин /¹140/ мэдээлсэн байна. Ерөнхийлөгчийн сонгуулийн үеэр сонгогчдоос 210 гаруй мянган санал ирүүлжээ. Сонгогчдоос ирүүлсэн саналыг боловсруулж дуусч байгаа бөгөөд Ерөнхийлөгчийн мөрийн хөтөлбөрт хэрхэн тусгах тухайгаа олон нийтэд ил тод мэдээлэх юм байна.
