Орон нутгийн эдийн засгийн хөгжил

  1. Naranchuluun
  2. 2007-09-05
  4. 643 уншсан
  5. 1 минут уншина
A- A A+
Орон нутгийн эдийн засгийн хөгжил


Орон нутгийн эдийн засгийн хөгжил
-------------------------------------------------------------------------------------------------------

ДЕЛТА МОНГОЛД :

Нээлттэй Нийгэм Хүрээлэн, Нээлттэй Нийгэм Форумаас “Оролцогчдын хамтын ажиллагаанд тулгуурлан орон нутгийн эдийн засгийг хөгжүүлэх - ДЕЛТА” төслийг Монгол улсад анх удаа Хөвсгөл аймгийн Тариалан, Баянхонгор аймгийн Баянхонгор, Увс аймгийн Тариалан, Архангай аймгийн Ихтамир суманд хэрэгжүүлж байна. 

Энэхүү төслийн зорилго нь төр-хувийн хэвшлийн түншлэл, бизнес эрхлэгчид, иргэд, төрийн ба олон нийтийн байгууллагуудын оролцоо, орон нутгийн нөөц боломжид тулгуурлан сумын эдийн засгийн хөгжлийн стратегийг боловсруулахад зөвлөх үйлчилгээ үзүүлэхэд чиглэгдэж байна. Ядуурлыг бууруулах, хүн амын орлогыг нэмэгдүүлэх, эдийн засгийн өсөлт бий болгож тогтворжуулах, байгаль орчноо хамгаалах, нөхөн сэргээх, иргэдийн ажиллаж амьдрах орчныг сайжруулах зэрэг тулгмдсан асуудлуудыг орон нутагт шийдвэрлэхэд чиглэсэн дунд хугацааны стратегитай болсноор хөгжлийн цэгцтэй, алсын хараа, зорилготой хэтийн бодлогыг сумын түвшинд хэрэгжүүлэх загварыг боловсруулна .
                       
Төслийн хүрээнд хэрэгжүүлж буй үйл ажиллагаа

Нэгдсэн семинар: Төсөл хэрэгжүүлэхтэй холбогдсон арга зүйн асуудлуудаас гадна төслийн  явц, үр дүнг хамтран үнэлэх, сумдын хооронд ажлын арга барил, туршлагаа харилцан солилцоход дэмжлэг үзүүлэх зорилго бүхий нэгдсэн семинарыг гурван удаа зохион  байгууллаа. Монгол улсад хөтөлбөр, төсөл, хүмүүнлэгийн үйл ажиллагаа хэрэгжүүлж байгаа хандивлагчид, олон улсын байгууллагууд тус төслийн семинарт урилгаар оролцож хуримтлуулсан туршлага, сургамжаасаа сэтгэл харамгүй хуваалцаж ирлээ.

Сумын Засаг дарга нарын уулзалт: Сумынхаа эдийн засаг-бизнесийн дунд хугацааны хөгжлийн тулгамдаж буй болон шийдвэрлэвэл зохих асуудлаа хэрхэн сонгож нөөц боломж, чадавхитай уялдуулж байгааг тодорхой сумын жишээн дээр газар дээр нь үзэж танилцах, санаа авах, дунд хугацааны стратегийн асуудлаар сумдын хооронд зөвлөлдөх, харилцан ярилцах, мэдээлэл солилцоход дэмжлэг үзүүлэх зорилгоор ДЕЛТА төсөлд хамрагдаж буй дөрвөн сумын Засаг дарга нарын уулзалтыг хоёр удаа хийлээ.

Олон нийтийн оролцоог хангах: Олон нийтийн оролцоонд тулгуурлан эдийн засгийн хөгжлийн стратеги боловсруулах: 2007-2015 онд сумын эдийн засгийг хөгжүүлэх дунд хугацааны стратегийг боловсруулахад сумын иргэд, олон нийтийг үйл ажиллагааны янз бүрийн түвшинд өргөнөөр оролцуулах, энэ үндсэн дээр ДЕЛТА төслийн үр дүнг сумынхөн өөрсдийн бүтээгдэхүүн болгон гаргах, өмчлөгч нь байх зарчмыг хэрэгжүүлэхэд онцгойлон анхаарч байна.
                                                                                                                                               

Дунд хугацааны хөгжлийн стратеги, түүний бүрдэл хэсгүүдийг боловсруулахад олон нийтийн оролцоог хангахын тулд:
  • ДЕЛТА төслийг боловсруулах, хэрэгжүүлэх, хяналт үнэлгээ хийх асуудлыг сумын хэмжээнд хамтран хариуцах Төлөвлөлтийн комисс, ДЕЛТА төслийн сумын баг, ажлын хэсгүүдийг багтаасан албан ёсны бүтэц бий болгож ажиллуулах
  • Олон нийтийн хэлэлцүүлэг зохион байгуулах – сумын төрийн ба хувийн хэвшлийн байгууллага, иргэд, ОНБ-ын төлөөлөлтэй уулзалт зохион байгуулах, стратегийн тодорхой асуудлаар танилцуулга, мэдээлэл хийж хэлэлцүүлэг явуулах
  • ДЕЛТА төслийн хүрээнд бизнес хөгжлийн албыг сум бүрт байгуулж, ДЕЛТА төслийн талаар  болон холбогдох бусад чиглэлээр олон нийтэд мэдээлэл хүргэх, зөвлөх, оролцогчдын санал бодол, зөвлөмжийг хүлээн авах үүрэгтэйгээр  байнга ажиллуулах
 
  • ДЕЛТА төслийн мэдээлэл-сурталчилгааны самбар гаргаж олон нийттэй харьцах, зах зээл, үнийн мэдээлэл, цаг үеийн асуудлууд, сумын бизнес эрхлэгчид, иргэдэд зориулсан төрөл бүрийн зөвлөгөө боловсруулж гаргах, ДЕЛТА төслийн талаар байнгын ба түр булан ажиллуулах зэрэг хэлбэрээр ашиглаж ирлээ.
  • Багийн иргэдийн нийтийн хурал, олон нийтийг хамарсан цугларалт, арга хэмжээний үеэр тусгайлан мэдээлэх, танилцуулга, нугалбар бэлдэж тараах
Дээр дурьдсан арга хэмжээний үр дүнд сумын нийт иргэдийн 70 орчим хувьд ДЕЛТА төслийн талаархи цогц мэдээлэл, танилцуулгыг хүргэж, мөн 10 орчим хувь нь уг төслийн бодит үйл ажиллагаанд биечлэн оролцох боломжийг хангаж чадлаа.

Нэгдүгээр семинар (2006.08.09)

Хоёрдугаар семинар (2006.12.20)

Гуравдугаар семинар (2007.03.19)