Naranchuluun 2011 оны дөрөвдүгээр сарын 26-ны өдрийн УИХ-ын чуулганы нэгдсэн хуралдаанаар УИХ-ын сонгуулийг товлон зарлах тухай УИХ-ын тогтоолын төслийг хэлэлцээд 62 гишүүнээс 53 нь зөвшөөрч, 85.5 хувийн саналаар тогтоол батлагдлаа. Ингэснээр УИХ-ын сонгууль ирэх зургадугаар сарын 28-нд буюу пүрэв гаригт зохион байгуулагдах болж байна. Сонгуулийн тухай хуулийн 8.2-т зааснаар “Ээлжит сонгуулийн санал авах өдөр нь сонгуулийн жилийн зургадугаар сарын сүүлийн долоо хоногийн аль нэг ажлын өдөр байна” гэж заасны дагуу энэ өдөр зохион байгуулах хүсэлтийг СЕХ-ноос тавьжээ.
Гадаадад байгаа иргэдийн саналыг тухайн улсад суугаа Консулын газраар дамжуулан зургадугаар сарын 10-нд авах аж. Сонгуулийн ерөнхий хорооноос гаргасан дүнгээр энэ жил 1.834.461 иргэн УИХ-ын сонгууль өгөх юм байна. Харин тойргийн хороо 26, салбар хороо 340, хэсгийн хороо 1950, нийт гишүүдийн тоо 10 мянга 50 хүн байхаар төлөвлөсөн аж.
