Naranchuluun 
"Сонгуулийн Шөнө" шууд мэдээллийн студи
Зорилго нь:
2005 оны Ерөнхийлөгчийн сонгуулийн урьдчилсан дүнг олон нийтэд шуурхай мэдээлэх.
Шууд мэдээллийн студи нь:
Сонгуулийн Ерөнхий Хороо /СЕХ/-нд ирсэн сонгуулийн мэдээг тэр даруйд нь шууд мэдээллийн студид дамжуулан улмаар тусгайлан боловсруулсан компьютерийн программын тусламжтайгаар төрөл бүрийн үзүүлэлтээр нь /сонгогчдын ирц, орон нутгийн болон нийт улсын хэмжээнд нэр дэвшигчдийн авсан санал зэрэг/ мэдээлнэ. Дүнг арга хэмжээ болж буй газар /Нээлттэй Нийгэм Форум/ -аас гадна Улаанбаатар хотын төв хэсэгт /Төв Шуудангийн урд талд/ байрлах том дэлгэцээр дамжуулан нийтэд танилцуулна. Мөн Улаанбаатарт 300 гаруй мянган үзэгчтэй Иигл ТВ-ээр "Сонгуулийн Шөнө" -ийн арга хэмжээг шууд нэвтрүүлнэ.
Оролцогчид нь:
Дотоод гадаадын сурвалжлагчид, улс төрийн нам, төрийн байгууллага, судалгааны байгууллага, иргэний нийгэм, элчин сайдын яамдууд болон олон улсын байгууллагын төлөөлөгчид ба олон нийт.
Хөтөлбөр нь:
Арга хэмжээ нь сонгуулийн шөнө буюу 2005 оны 5-р сарын 22-ны 21:00 цагт эхлэж сонгуулийн урьдчилсан дүн гарч дуустал үргэлжилнэ.
- СЕХ-ны дарга Ж.Ядамсүрэн нээж үг хэлнэ
- Ерөнхийлөгчийн засаглалын тухай болон Ерөнхийлөгчийн сонгуулийн кампаний тойм тайлбар
- Нэр дэвшигчдийн сурталчилгааны арга барилын тойм тайлбар
- Ерөнхийлөгчийн сонгуулийн хэвлэл мэдээллийн мониторингийн дүн
- Нэр дэвшигчдийн телевизийн халз мэтгэлцээний тойм тайлбар
- Харилцан ярилцлага
- Халуун хоол, ундаа, хөнгөн зууш
