Хөдөлмөрийн бэрхшээлтэй хүүхэд, иргэдэд зориулсан Англи хэлний сургалт (2008-12-03)

Хөдөлмөрийн бэрхшээлтэй хүүхэд, иргэдэд зориулсан Англи хэлний сургалт

АНУ-ын Засгийн газрын тэтгэлэгээр суралцагчдын Хөгжлийн элч холбоо, АНУ-ын Элчин сайдын яам хамтран хөдөлмөрийн бэрхшээлтэй хүүхэд, оюутнууд болон насанд хүрэгчдэд зориулсан  Анхан болон дунд шатны Англи хэлний сургалтыг зохион байгуулах гэж байна. Уг сургалт нь өвлийн ба зуны гэсэн 2 үе шаттай ба шат тус бүрт 80 цагийн Англи хэлний хичээл орно. Сургалтыг ваакумжуулсан орчинд, Монгол, Америк багш нар явуулах ба тус бүр 20 хүнтэй, хүүхдийн, насанд хүрэгсдийн гэсэн 2 групп тусдаа хичээллэнэ. Сургалт, байр, хоол, унааны зардлыг Хөгжлийн элч холбоо, АНУ-ын Элчин сайдын Яам, хамтран санхүүжүүлнэ.

Суралцахыг хүсэгчдийг шалгаруулж авах ба дараах шаардлагыг тавьж байна:

• 13-17 насны хүүхэд, их дээд сургуулийн оюутан, мөн ажил эрхэлдэг, эсвэл гэртээ байдаг насанд хүрсэн Монгол улсын иргэн байх
• Англи хэл сурч ирээдүйн боловсрол, ажил, амьдралдаа хэрэглэх чин хүсэл эрмэлзэлтэй байх
• Хөдөлмөрийн чадвараа 60-аас дээш хувь алдсан, хөдөлгөөний бэрхшээлтэй /тэргэнцэртэй гэх мэт/.

Суралцахыг хүсэгчид дараах материалыг бүрдүүлнэ үү. Үүнд:

• Өргөдлийн маягт /загварыг Англи, Монгол хэлний аль нэг дээр бөглөх/
• Эссэ /500 үгтэй, өөрийгөө танилцуулсан, Англи хэл сурах хүсэл, шаардлага, зорилгоо илэрхийлсэн байх /Англи, Монгол хэлний аль нэг дээр бичих/
• Хөдөлмөрийн чадвараа алдсан тухай эмнэлгийн тодорхойлолт

Материалыг 2008 оны 12-р сарын 5-ны өдөр, Баасан гарагийн 17.00 цаг хүртэл Д. Нацагдоржийн нэрэмжит УБ хотын Нийтийн номын санд байрлах АНУ-ын соёл, мэдээллийн төвийн байранд хүлээн авна.

АНУ-ын Элчин сайдын яам: 312372

АНУ-ын Соёл, Мэдээллийн Төв: 329950

Хөгжлийн элч холбоо: 99287030/99160036/99741916