Naranchuluun
Бодлогын судалгааны тэтгэлэгт хөтөлбөр
-------------------------------------------------------------------------------------------------------
2004 оноос хэрэгжиж байгаа Бодлогын судалгааны тэтгэлэгт хөтөлбөр нь бодлогын шинжилгээ, бие даасан судлаачийн үнэлгээ дүгнэлтээр бодлого боловсруулах үйл явцыг дэмжих зорилготой бөгөөд бодлогын дүн шинжилгээ, судалгааны арга зүйг судлаачдад эзэмшүүлэх, чанартай сайн судалгаа гүйцэтгэхэд нь арга зүй, мэдээллийн болон санхүүгийн дэмжлэг үзүүлдэг. Судалгааны үр дүнд тулгуурлан нөлөөллийн үйл ажиллагааг хэрэгжүүлдэг. Судалгааны тайлан нь бодлого боловсруулах үйл явцад иргэдийн мэдлэг, мэдээлэлтэй оролцоог дэмжих арга хэрэгсэл тэдгээрийг хот, хөдөөгийн бүх номын сан, судалгааны байгууллагад хүргэдэг болно.
Өнгөрсөн зургаан жилийн хугацаанд хөтөлбөрийн хүрээнд 70 гаруй судлаач бодлогын судалгааны арга зүйн сургалтуудад хамрагдаж, 30 орчим тайлан хэвлэгджээ. 2010 онд хөтөлбөрт хамрагдсан бие даасан судлаач, судалгааны багууд Монголд өнөөдөр тулгамдаад байгаа бодлогын асуудлаар дүн шинжилгээ, харьцуулсан судалгаа гүйцэтгэлээ. Тухайлбал:
|
Судлаачийн нэр |
Үндсэн байгууллага |
Судалгааны ажлын сэдэв |
|
Н.Мөнхмандах |
Хэвлэлийн Хүрээлэн |
Иргэний мэдээлэл авах эрх чөлөө: Төрийн нууцын жагсаалт боловсруулах үйл явц, шалгуур, үүрэг хариуцлага |
|
Ч.Өнөрбаяр |
Монгол Улсын Үндэсний Аюулгүй Байдлын Зөвлөл |
Иргэний мэдээлэл авах эрх чөлөө: мэдээлэлжсэн нийгэм дэх төрийн нууцын талаарх хандлага, үзэл баримтлал |
|
Д.Энхжаргал |
Хүчирхийллийн Эсрэг Үндэсний Төв |
Хүний эрхийн үндэсний механизмыг бэхжүүлэх нь |
|
Г.Оюунболд |
Хууль Зүйн Үндэсний Хүрээлэн |
Шоронгоос суллагдсан хүмүүст нийгэмд дасан зохицоход нь туслах бодлого боловсруулах нь |
|
Н.Ариунболд |
Бие даасан судлаач |
Сонгуулийн маргааныг шийдвэрлэх эрх зүйн орчин, институтчиллыг сайжруулах нь |
|
Б.Мөнгөнсүх |
Монголын Хөрөнгийн Бирж |
Санхүүгийн зах зээлийн хяналтын тогтолцоог боловсронгуй болгох нь |
2011 оны Бодлогын судалгааны тэтгэлэлт хөтөлбөрийг тухайн оны хоёрдугаар сард зарлах бөгөөд төрийн болон төрийн бус салбарын болон бие даасан судлаач, судалгааны багууд судалгааны төсөл боловсруулж оролцох боломжтой.
