Naranchuluun 
Иргэдийн оролцооны чиглэлээр нөлөөллийн үйл ажиллагаа явуулах сонирхолтой туршлага бүхий орон нутгийн Төрийн Бус Байгууллагуудыг тэтгэлэгт хөтөлбөрт оролцохыг урьж байна. Иргэд төрөөс гаргаж буй аливаа шийдвэрийн талаар мэдээлэл авах, санал бодлоо илэрхийлэн оролцох боломжтой байх нь сайн засаглалын нэг гол зарчим юм. Сүүлийн үед төрөөс гаргаж байгаа бодлого, шийдвэрт иргэд оролцох боломж нээгдэж байгаа хэдий ч иргэдийн оролцооны механизмын талаар мэдлэг, мэдээлэл олон нийтэд хангалттай хүрдэггүйн зэрэгцээ төрийн байгууллагууд шийдвэр гаргах үйл явцдаа иргэдийг оролцуулах туршлага ч дутмаг байна. Иймд орон нутаг дахь иргэдийн оролцооны механизмыг дэмжих, үйл ажиллагааг нь эрчимжүүлэх, түүнчлэн ийм санал, санаачилга өнөөг хүртэл үгүйлэгдэж байгаа зарим нутаг оронд иргэдийн оролцооны механизмыг шинээр бий болгох чиглэлээр туршлага бүхий иргэний нийгмийн байгууллагуудыг хамтран ажиллахыг урьж байна. Сонирхсон орон нутгийн иргэний нийгмийн байгууллагууд дор дурдсан материалыг бүрдүүлэн Нээлттэй Нийгэм Форумын хаягаар ирүүлнэ үү.
Төсөл хэрэгжүүлэх байгууллагад тавих шаардлага:
- Төсөл хэрэгжүүлэх ТББ нь тухайн төслийг хэрэгжүүлэх газартаа тогтмол үйл ажиллагаа явуулдаг, сонирхлын зөрчилгүй орон нутгийн байгууллага байвал зохино.
- ТББ-ыг сонгон шалгаруулахад сайн засаглал, иргэдийн оролцооны чиглэлээр хуримтлуулсан туршлагыг харгалзан үзнэ.
Бүрдүүлэх материал:
- Сонирхлоо илэрхийлсэн захидал
- Төслийн өргөдөл
- ТББ-ын гэрчилгээний хуулбар
- Байгууллагын танилцуулга болон 2010 оны үйл ажиллагааны тайлан (иргэдийн оролцооны чиглэлээр хийж гүйцэтгэсэн ажлын талаар дурдсан байна)
Хөтөлбөрийн дэлгэрэнгүй удирдамж болон өргөдлийн маягтыг доорх хаягаар болон Нээлттэй Нийгэм Форумын www.forum.mn вэбсайтаас авах боломжтой. Материал хүлээн авах сүүлийн хугацаа нь 2011 оны 6 дугаар сарын 10 – ны өдрийн 17.00 цаг байна. Хоцорч ирсэн материалыг хүлээн авахгүй болохыг анхаарна уу.
Хаяг:
Жамъян Гүний гудамж –5/1
Сүхбаатар дүүрэг
Улаанбаатар-14240
Утас – 976-11-313207
Факс – 976-11-324857
Э-шуудан: [email protected]
