Чуулга уулзалт : Америкт төгссөн Монголчууд

“Америкт төгссөн Монголчууд”
Чуулга уулзалт, Улаанбаатар хот, 2006-10-28

Боловсролын Зөвлөгөө Мэдээллийн Төв нь Монгол дахь АНУ-ын Элчин Сайдын Яамтай хамтран “Америкт төгссөн Монголчууд” анхны чуулга уулзалтыг 2006-10-28-нд Улаанбаатар хотноо зохион байгуулах гэж байна.

Чуулга уулзалтын зорилго нь:

1. АНУ-д сурч байсан монгол иргэдийг хооронд нь холбосон томоохон сүлжээ байгуулж тэдэнд мэдлэг туршлага, мэдээ мэдээлэл, нөөц бололцоогоо харилцан солилцох боломж олгох
2. Америкт төгссөн Монголчуудын нийгэмдээ оруулж буй хувь нэмрийг олон нийтэд таниулах
3. Америкт төгссөн Монголчуудын санаачилгаар хөдөө орон нутгийн боловсролыг дэмжих тэтгэлгийг бий болгох

/ Чуулга уулзалтын талаарх дэлгэрэнгүй мэдээллийг  www.earcmn.org/usalumni вэб хуудаснаас үзнэ үү./

Чуулга уулзалт болох гэж буйтай холбогдуулан Америкт сургууль төгссөн Монголчуудын дунд “Хөдөө орон нутгийн боловсрол, хөдөөгийн хүүхдүүдийн боловсролыг дэмжих нь”илтгэлийн уралдааныг зарлаад байна.
Оролцогчид илтгэлээ 2006-10-23-ний дотор [email protected] эмайл хаягаар эсвэл БЗМТөв дээр авчирч болно. Чуулга уулзалтанд шалгарсан 3-н илтгэлээр илтгэл тавиулна.

Чуулга уулзалтанд Америкт янз бүрийн шугамаар бүх төрлийн их дээд сургууль, коллеж төгссөн болон сурч байгаа бүх Монголчууд оролцох боломжтой ба оролцогчдын бүртгэл 2006-10-25 хүртэл www.earcmn.org/usalumni вэб хуудсаар онлайн бүртгэл явагдана.

Америкт  сургууль төгсөгчдийн чуулга
уулзалтыг зохион байгуулах комисс
Боловсролын Зөвлөгөө Мэдээллийн Төв
Соёлын Төв Өргөө Цогцолбор
Хүүхдийн Номын Ордон  1 давхар, Улаанбаатар-46  Монгол Улс
Утас: 976-11-319016:  Факс: 976-11-326941 
Э-шуудан: [email protected]
Вэб хуудас: http://www.earcmn.org