АНУ-д их дээд сургууль төгсөгчдийг илтгэлийн уралдаанд урьж байна

АНУ-д их дээд сургууль төгсөгчдийг илтгэлийн уралдаанд урьж байна

Боловсролын Зөвлөгөө Мэдээллийн Төв нь Монгол дахь АНУ-ын Элчин Сайдын Яамтай хамтран “Америкт төгссөн Монголчууд” анхны чуулга уулзалтыг 2006-10-28-нд Улаанбаатар хотноо зохион байгуулах гэж байна.

Чуулга уулзалтын зорилго нь:

• АНУ-д сурч байсан монгол иргэдийг хооронд нь холбосон томоохон сүлжээ байгуулж тэдэнд мэдлэг туршлага, мэдээ мэдээлэл, нөөц бололцоогоо харилцан солилцох боломж олгох
• Америкт төгссөн Монголчуудын нийгэмдээ оруулж буй хувь нэмрийг олон нийтэд таниулах
• Америкт төгссөн Монголчуудын санаачилгаар хөдөө орон нутгийн боловсролыг дэмжих тэтгэлгийг бий болгох

/ Чуулга уулзалтын талаарх дэлгэрэнгүй мэдээллийг  www.earcmn.org/usalumni вэб хуудаснаас үзнэ үү./

Чуулга уулзалтын бэлтгэл ажлын хүрээнд Америкт сургууль төгссөн Монголчуудын дунд энэхүү илтгэлийн уралдааныг зарлаж байна.

Илтгэлийн сэдэв: “Хөдөө орон нутгийн боловсрол, хөдөөгийн хүүхдүүдийн боловсролыг дэмжих нь” /Rural Education and the Importance of Supporting Rural Pupils/

 Илтгэлд оролцогчид:

• Америкт янз бүрийн шугамаар бүх төрлийн сургууль төгссөн болон сурч байгаа бүх Монголчууд
• Одоо Америкт болон өөр улс оронд сурж, ажиллаж амьдарч байгаа Америкт төгсөгчдийг  оролцохыг урьж байна.

Тавигдах шаардлага:

• 500-с доошгүй үгтэй.
• Монгол хэл дээр бичигдсэн байх
• Зохиомж, найрлага, хэллэг нь энгийн, нийтэд ойлгомжтой байх / мэрэгжлийн нэр томьёо хэрэглэхээс зайлсхийх/
• Илтгэлээ тавих чадвартай байх
• Америкт төгссөнийг гэрчилэх баримтын хуулбар /диплом, гэрчилгээ г.мэт/
• Илтгэлд оролцогчын холбоо барих хаяг, утас, э-шуудан тодорхой бичих.

Шалгаруулалт:

• Шалгаруулалтанд ирсэн илтгэлүүдийг ажлын комисс хянаж 10-р сарын 25-нд шалгаруулна.

Илтгэл хүлээж авах эцсийн хугацаа
Оролцогчид илтгэлээ 2006-10-23-ний дотор [email protected] эмайл хаягаар эсвэл БЗМТөв дээр авчирч болно.

Шалгарсан илтгэлийн урамшуулал:

• Уралдаанд оролцсон бүх илтгэлүүдийг Америкт сургууль төгсөгчдийн вэбсайтанд тавьж нийтийн хүртээл болгоно
• Шалгарсан 3-н илтгэлд чуулга уулзалтанд оролцож илтгэл тавих урилга
• Дурсгалын бичиг

Америкт  сургууль төгсөгчдийн чуулга
уулзалтыг зохион байгуулах комисс
Боловсролын Зөвлөгөө Мэдээллийн Төв
Соёлын Төв Өргөө Цогцолбор
Хүүхдийн Номын Ордон  1 давхар, Улаанбаатар-46  Монгол Улс
Утас: 976-11-319016:  Факс: 976-11-326941 
Э-шуудан: [email protected]
Вэб хуудас: http://www.earcmn.org