Судалгаагаар бусад улс орон цар тахалтай тэмцэх эрх зүйн орчноо хэрхэн бүрдүүлж байгааг өөрийн орны энэ асуудлаарх хууль батлах үйл явцтай харьцуулан судалж, хуулийн хэрэгжилтийн шатанд гарсан хүний эрхийн зөрчил, тулгамдсан бусад асуудалд тулгуурлан санал зөвлөмж боловсрууллаа.

Энэхүү судалгаагаар хуулийн этгээдэд эрүүгийн хариуцлага хүлээлгэх онолын чиг хандлага, эрх зүйн зохицуулалт, ижил төстэй орны туршлага, хуулийн этгээдэд хариуцлага хүлээлгэсэн өнөөгийн байдал зэргийг судалж дүгнэсний зэрэгцээ цаашид боловсронгуй болгох чиглэлээр тодорхой зөвлөмж санал болголоо.

Үндэсний урьдчилан сэргийлэх байгууллагыг байгуулах болсонтой холбогдуулан Эрүүдэн шүүхээс урьдчилан сэргийлэх асуудал эрхэлсэн гишүүн болон Эрүүдэн шүүхээс урьдчилан сэргийлэх нэгжийн ажлын хэрэгцээнд зориулан энэхүү гарын авлагыг боловсруулсан болно.

Судалгаагаар гэмт хэргийг нотлох ажиллагааны өнөөгийн практик, нөхцөл байдал, эрх зүйн орчин болон нотолгоонд ашиглаж буй арга зүй, техник хэрэгслийн ашиглалтын байдал, бусад улсын нотлох ажиллагааны онцлог, эрх зүйн зохицуулалт, хуульч, хууль сахиулагч бэлтгэх сургалтад хэрэглэгдэж буй нотлох ажиллагаатай холбоотой ном, сурах бичиг, сургалтын хөтөлбөр, арга зүйд дүн шинжилгээ хийж, холбогдох санал зөвлөмжийг боловсруулсан болно.

Уг тоймоор дээрх судалгааны гол үр дүн, дүгнэлт, зөвлөмжийг холбогдох талуудад хүргэхийг зорьсон ба судалгааг бүрэн эхээр нь www.forum.mn сайтаас татаж үзнэ үү.

Судалгааны ажлын арга зүйг цар тахалтай тэмцэх чиглэлээр гарсан хууль, эрх зүйн актыг судлах, хэрэгжилтэд хэсэгчлэн дүн шинжилгээ хийж харьцуулан судлахад чиглүүлсэн болно.

Эрүүгийн хуулийн хэрэгжилтийг орон нутгийн түвшинд авч судалсан хоёр бодлогын судалгааг нэгтгэн Та бүхэнд толилуулж байна. Шинэ эрүүгийн хууль, тогтоомжийн хэрэгжилт сумын түвшинд (5-42 дугаар хуудас) Гэр бүлийн хүчирхийлэл үйлдэх зөрчил, гэмт хэргийн шийдвэрлэлт, ял шийтгэл оногдуулж буй байдал орон нутагт (43-78 дугаар хуудас)

Судалгааны хүрээнд худал мэдээлэл тараах гэмт хэргийг хянан шийдвэрлэж буй шүүхийн практик, үг хэлэх эрх, мэдээллийн эрх чөлөөний зарчимд нийцэж буй эсэх, худал мэдээлэл тараах гэмт хэргийн “илт худал мэдээлэл” гэх ойлголтын эрүүгийн эрх зүйн асуудал, худал мэдээлэл тараах гэмт хэргийн бүрэлдэхүүний шинж, субьектив санаа зорилго, төсөөтэй эрх зүйн бусад зөрчлөөс ялган зүйлчлэх асуудал, ижил төстэй эрх зүйн тогтолцоотой зарим улсын эрх зүйн зохицуулалт, үндэсний болон олон улсын жишиг хэргүүдийг судалж, дүгнэлт хийсэн болно.

Тус судалгаа нь хэрэг хянан шийдвэрлэх ажиллагааны улмаас учирсан хохирлыг төлүүлэхтэй холбоотой эрх зүйн орчин, шүүхийн шийдвэрт дүн шинжилгээ хийж, энэ чиглэлээр нэхэмжлэх эрх үүсэж буй хэргийг тоймлож, мөн бусад улс орны зохицуулалтыг харьцуулж үзсэнээрээ ач холбогдолтой.

Мөрдөх албаны үйл ажиллагаа нь нэг талаар эрүүгийн хэрэг хянан шийдвэрлэх үйл ажиллагааны асуудал, нөгөө талаар Засгийн газрын гэмт хэрэгтэй тэмцэх бүтэц, зохион байгуулалтын асуудал болохын хувьд мөрдөх албатай холбоотой эрүүгийн процессын болон албаны хууль тогтоомжид харьцуулсан дүн шинжилгээ хийв.